تاثير تعاطي هرمونات النوادي الرياضيه على الرجال د..بهاء الرضاونة

د.بهاء الرضاونة _

العديد من المرضى الذين يراجعونني في العياده بسبب حالات عقم وانعدام للحيوانات المنويه او ضعفها وبعد اخذ السيره المرضيه لهم اكتشف انه اغلبيتهم هم من رواد النوادي الرياضيه Gym.

المشكله مش في النادي ولا في الرياضه..
المشكله في تعاطيهم ل حقن هرمونات الهرمون الذكري اللي هو تيستسرون بما يسمى تجاريا ب اسماء مثل الديكا والتيستا وغيرهم وكله عشان ينفخ عضلاته ويصير عضلنجي..
مشكله اخذ التستسترون هذا انه يسبب توقف لانتاج الهرمون الداخلي الطبيعي بظاهره تسمى
‏.Negative feedback واللي بدورها تعمل على تعطيل انتاج الحيوانات المنويه وانعدامها بما يسمى Azoospermia مما يؤدي الى العقم وفي نسب عاليه تكون ابديه اي يصعب علاجها irreversible damage

المشكله وين؟؟
انهم بضحكو فيها على الشباب انه قال ماتخاف من هاي الابر لانه بعدها بنعملك تنظيف وبنتطلعها من جسمك…؟
مافي شي اسمه تنظيف..
لانه الضرر الحقيقي اللي صار هو مش هرموني هو ضرر في خلايا انتاج الحيوانات المنويه في الخصيه بما يسمى ب الل spermatogenic Arrest

الشي الثاني هو البروتينات او ال protien shake؟؟
انا يادكتور باخذ بروتينات مش ابر؟
هل راح يؤثر علي؟
هلا علميا هذه البروتينات منها عدة انواع ومن اشهرها هو ال بروتين الصويا Soy protein و ال whey protein اللي هو مشتق من حليب البقر
بالنسبه لبروتين الصويا هذا يحتوي على نسبه بروتين عاليه صح ومفيده للجسم ولكن يحتوي بعضهم على هرمون الاستروجين الانثوي اللي راح يسبب تقليل في هرمون التستسيترون اللي راح يسبب ضعف في الحيوانات المنويه وعند النساء ممكن يسبب سرطان الثدي.
ال Whey protein هو اقلهم ضرراً ولكن من اهم مشاكله انه الاعتماد عليه بشكل مطلق بسبب ضرر في السكر في الجسم بسبب تأثيره على عمل البنكرياس بما يسبب شي اسمه Insulin intolerance ايضا لانه كميه البروتين عاليه فيه فانه يرفع نسبه اليوريك اسد المسبب لمرض النقرس Hyperuricemia وهذا الشي يضعف من عمل الكلى.

نهايه الكلام انا مش ضد الذهاب للنوادي..بالعكس الرياضه شي كويس وانا بشجع عليها بس مافي داعي توخذ ابر عشان تنفخلي عضلاتك ومافي داعي توخذ بروتينات واذا كثير مهتم في البروتينات ف هناك مصادر البروتينات الطبيعيه مثل المنتجات الحيوانيه لحوم ودجاج وغيره وهي ارخص وافضل لجسمك من كل هذه المنتجات التجاريه.
عن جميع اصناف البروتينات التجاريه المتواجده.

#الدكتوربهاءالرضاونه
#اختصاصي المسالك البوليه
#والتناسليه وامراض الذكوره والعقم عند_الرجال