هاجر الشرنوبي بعد انتقاد عملها بائعة آيس كريم: الشغل مش عيب (فيديو)

ردت الفنانة هاجر الشرنوبي، على الانتقادات التي طالت تصريحاتها حول عملها بائعة آيس كريم من أجل توفير المصروفات الدراسية لنجلها، والحالة التي أثارتها عبر مواقع التواصل الاجتماعي بين مؤيد ومعارض لتصريحها.

قالت هاجر: “الحقيقة مش فاهمة إيه العيب إني أقول إني كنت بأبيع آيس كريم علشان أدفع مصاريف دراسة ابني، أنا عملت كده من غير ما أفكر الناس ممكن تقول إيه لأن الشغل مش عيب”.

هاجر الشرنوبي تكشف تفاصيل عملها كبائعة آيس كريم

كانت هاجر الشرنوبي، قد كشفت تفاصيل عملها كبائعة آيس كريم، وذلك خلال لقائها مع بودكاست “وفيها إيه” المذاع على “يوتيوب”، حيث قالت: “كنت عايزة أدفع مصاريف مدرسة ابني، ووقتها مكنتش بشتغل خالص ولا بمثل، كنت قاعدة في إسكندرية”.

واستكملت: اشتغلت أبيع آيس كريم عشان أدفع مصاريف المدرسة، والحمدلله كانت خطوة فارقة جدًا في حياتي، فجأة لقيت نفسي قدام مسؤولية حتى لو كنت متدلعة، المدرسة في شهر 9 وإحنا خلاص في شهر مثلًا 4 فهعمل إيه؟ طب إيه الشغل؟”.

أضافت هاجر الشرنوبي: “رُحت بقى أبيع آيس كريم، كانت فترة مرهقة ونقطة تحول في حياتي، ما كنتش الأول بعرف أتعامل، بعد كده خلاص بقيت أتعامل وبقت فترة بجد فارقة جدًا في حياتي”.