إلهام شاهين لـ ترامب بعد حديثه عن تهجير الفلسطينيين: خد الإسرائيليين لـ أمريكا
الشعب نيوز:-
علقت النجمة إلهام شاهين على مقترح الرئيس الأمريكي دونالد ترامب بنقل الفلسطنيين إلى الأردن ومصر.
وقالت إلهام شاهين في مداخلة هاتفية لـ لـ”المشهد”: “تهجيير الفلسطينيين مرفوض، معنى كده إنهم بيضحوا بأرضهم ويسيبوها، طب الحرب دي كانت قامت ليه والناس اللي ضحوا بحياتهم وممتلكاتهم وبيوتهم وأولادهم كل ده كان علشان إيه علشان الفلسطينيين يستعيدوا أرضهم”.
وتابعت: “وهنا الحل الآخر، إن بدل ما يهجروا الفلسطينيين يهجروا الإسرائيليين يأخدوهم، وأمريكا مرحبة ليهم وأمريكا بتعبتر إسرائيل جزء منها، وأمريكا دي أرض كبيرة جدا فيها حوالي 50 دولة ممكن يبقى في مكان للإسرائليين في أي دولة منهم وأمريكا أكيد هتبقى مرحبة جدا لأنها بتحبهم ولأنهم يخصوها ومعتبراهم جزء منهم وتتحل كل أزمة الشرق الأوسط “.
وعن دور الفنان في القضايا السياسية، قالت: “احنا مش سياسيين والأمور دي مش في إيدينا ولكن كل واحد يقول خياله وأنا قولت خيالي وده شئ خيالي وصلني له، زي ما أمريكا خيالها وصلها إن ممكن الفلسطينيين يترحلوا أو يتهجروا على مصر والأردن، أن كمان خيالي وصلني إن الإسرائليين ممكن يروحوا على أمريكا.. لكن مش دور الفنان يقول حلول إحنا مش سياسيين أنا بتكلم كمواطنة عربية متعاطفة مع الشعب الفلسطيني مش أكتر”.
عرض هذا المنشور على Instagram